"მე არ გავჩერდები", _ აცხადებს ბიძინა ივანიშვილი "როიტერისათვის" მიცემულ ინტერვიუში.
"ისინი ცდილობენ, მე პოლიტიკურ პროცესებს მიღმა დამტოვონ, მაგრამ მე არ გავჩერდები", _ აცხადებს ივანიშვილი.
შეგახსნებთ, რომ ბიძინა ივანიშვილმა, რომლის ქონებაც 5,5 მილიარდ აშშ დოლარია, საქართველოს პოლიტიკურ ცხოვრებაში აქტიური მონაწილეობის მიღების სურვილი უკვე გამოთქვა. ივანიშვილი პოლიტიკური პარტიის ჩამოყალიბებას და საპარლამენტო არჩევნებში მონაწილეობის მიღებას გეგმავს. ბიძინა ივანიშვილი საქართველოს პრეზიდენტს მიხეილ სააკაშვილს გადადგომისკენ მოუწოდებს.
