"იმ შემთხვევაში თუ ისინი შეეცდებიან, რომ მე არჩევნებში მონაწილეობა ამიკრძალონ - ეს არჩევნები ლეგიტიმურად არ ჩაითვლება", _ ეს განცხადება ქართველმა მილიარდერმა ბიძინა ივანიშვილმა "როიტერისათვის" მიცემულ ინტერვიუში გააკეთა.
შეგახსნებთ, რომ ბიძინა ივანიშვილმა, რომლის ქონებაც 5,5 მილიარდ აშშ დოლარია, საქართველოს პოლიტიკურ ცხოვრებაში აქტიური მონაწილეობის მიღების სურვილი უკვე გამოთქვა. ივანიშვილი პოლიტიკური პარტიის ჩამოყალიბებას და საპარლამენტო არჩევნებში მონაწილეობის მიღებას გეგმავს.
