10 დეკემბერს, 19:30 საათზე, ალექსანდრე დიუმას სახელობის ფრანგული კულტურის ცენტრში წარმოდგენილი იქნება რეჟისორ ზურაბ ინაშვილის დოკუმენტური ფილმი "ქართველი დედების სიხარულისა და მწუხარების წუთები". ფილმის შემდეგ გაიმართება დისკუსია, რომელსაც წაიყვანს რუსუდან ფხაკაძე, არასამთავრობო ორგანიზაცია "სახლის" ხელმძღვანელი.
გენდერული ძალადობის წინააღმდეგ 16-დღიან კამპანიასთან დაკავშირებით, საფრანგეთის საელჩომ საქართველოში გაეროს მოსახლეობის ფონდთან თანამშრომლობით, მოაწყო საქართველოში ქალთა პრობლემებისა და გენდერული საკითხებისადმი მიძღვნილი დოკუმენტური ფილმების ციკლის ჩვენება.
ქართველი რეჟისორების მიერ სხვადასხვა არასამთავრობო ორგანიზაციების მხარდაჭერით გადაღებული დოკუმენტური ფილმები ალექსანდრე დიუმას სახელობის ფრანგული კულტურის ცენტრში 2009 წლის 8 დეკემბრიდან 10 დეკემბრამდე იყო წარმოდგენილი.
