დღეს საქართველოს პრეზიდენტმა მიხეილ სააკაშვილმა ისანი-სამგორის რაიონში მშენებარე საცურაო კომპლექსი დაათვალიერა.
კომპლექსს ქართული სამშენებლო კომპანია "არტესი" აშენებს. 90-იან წლებში აღნიშნულ ტერიტორიაზე საცურაო აუზი ფუნციონირებდა, თუმცა აუზი გაიძარცვა და ამის შემდეგ ფუნქციონირება შეწყვიტა.
საცურაო კომპლექსში იქნება რამდენიმე აუზი, ტრენაჟორები, საწვრთნელი დარბაზები, წყალბურთისა და ცურვის სექციები.
მშენებლობა 2010 წლის მაისში დასრულდება.
"ძირითადად აუზები არის დედაქალაქის ცენტრალურ უბნებში, ერთმანეთზე მიჯრილი და ყველა არის ძვირი. ერთ-ერთი პირობა, რაც ჩვენს თანამშრომლობაში უნდა ჩავდოთ, ყველაფერი უნდა გავაკეთოთ, რომ ფასები იყოს ხელმისაწვდომი", _ განაცხადა მიხეილ სააკაშვილმა.
