გერმანულმა სამაუწყებლო კომპანიამ Deutsche Welle ქართული სამსახური გახსნა - ცნობილია, რომ ქართულენოვანი ბიურო 3 აგვისტოს ამოქმედდა და ის ჯერჯერობით მხოლოდ Instagram-ზე იძებნება, მოგვიანებით კი მას Facebook და Youtube დაემატება. ცნობილია, რომ ის საქართველოს, ევროპისა და მთელი მსოფლიოს ახალ ამბებს გააშუქებს. ქართულენოვანი სამსახური საწყის ეტაპზე იმუშავებს 18 თვის განმავლობაში.
აღნიშნული ინიციატივა „ევროპული საინფორმაციო ფარის ინიციატივის“ (European Information Shield Initiative) ნაწილია, რომელსაც DW და FMM ხელმძღვანელობენ. ევროკავშირის მხარდაჭერით, პროექტი მიზნად ისახავს სტრატეგიულად მნიშვნელოვან რეგიონებში დამოუკიდებელი ჟურნალისტიკის გაძლიერებასა და დეზინფორმაციასთან ბრძოლას. პროექტი თავდაპირველად 18-თვიანი ვადით ფინანსდება.
