The Jerusalem Post-ის ცნობით, აშშ-მa, შესაძლოა, ირანის ხარგის კუნძულის დასაკავებლად სახმელეთო ოპერაცია დაიწყოს და ამ მიზნით ახლო აღმოსავლეთში ძალების გაზავნას ჩქარობს.
The Jerusalem Post-ის წყაროების ცნობით, ბოლო დღეებში აშშ-ის მაღალჩინოსნებმა ისრაელსა და სხვა ქვეყნებში თავიანთ კოლეგებს განუცხადეს, რომ აშშ-ს შესაძლოა სხვა გზა არ ჰქონდეს, გარდა იმისა, რომ ირანის ხარგის კუნძულის დასაკავებლად სახმელეთო სამხედრო ოპერაცია დაიწყოს.
სპარსეთის ყურეში მდებარე ხარგის კუნძული ირანის ნავთობის ექსპორტის მთავარი ცენტრია, საიდანაც ნედლი ნავთობის 90% ჩინეთში გადის.
ბოლო დღეებში აშშ-ის ადმინისტრაციამ დაიწყო მსჯელობა იმაზე, უნდა მოხდეს თუ არა კუნძულის დაკავება, რათა ირანი აიძულონ, შეწყვიტოს ორმუზის სრუტის გავლით გადაზიდვების დაბლოკვა.
აშშ-ის ოფიციალურმა წარმომადგენელმა The Jerusalem Post-ს დაუდასტურა, რომ „აშშ-ის სამხედროებმა დააჩქარეს ახლო აღმოსავლეთში ათასობით საზღვაო ქვეითია და საზღვაო ფლოტის პერსონალის განლაგება“.
ძალებს შორის არის აშშ-ის საზღვაო ძალების საბრძოლო მზადყოფნის ჯგუფი USS Boxer, რომელიც მოიცავს სადესანტო გემს, რომელიც მსუბუქი ავიამზიდის ფუნქციას ასრულებს, და სადესანტო სატრანსპორტო გემებს USS Portland და USS Comstock.
გაერთიანებულმა სამეფომ, გერმანიამ, საფრანგეთმა, იტალიამ, ნიდერლანდებმა და იაპონიამ ერთობლივი განცხადება გაავრცელეს, რომელშიც აღნიშნულია, რომ მზად არიან „წვლილი“ შეიტანონ ჰორმუზის სრუტეში უსაფრთხო გადაადგილების უზრუნველყოფის ძალისხმევაში.
