კატარის საგარეო საქმეთა სამინისტრო აცხადებს, რომ „იტოვებს უფლებას, უპასუხოს“ მის ინდუსტრიულ ქალაქ რას ლაფანზე ირანის სარაკეტო თავდასხმებს.
კატარმა ირანის საელჩოში ირანის თავდაცვის სამინისტროს წარმომადგენელი პერსონა ნონ გრატად გამოაცხადა და 24 საათის განმავლობაში ქვეყნის დატოვება მოსთხოვა.
სამინისტროს განცხადებაში აღნიშნულია, რომ კატარი „გაერო-ს წესდების 51-ე მუხლისა და საერთაშორისო სამართლით გარანტირებული თვითდაცვის უფლების შესაბამისად იტოვებს პასუხის გაცემის უფლებას და მიიღებს ყველა საჭირო ზომას სუვერენიტეტის, უსაფრთხოებისა და მოქალაქეების დასაცავად.
განცხადებაში ნათქვამია, რომ ირანული მხარე აგრძელებს ესკალაციის პოლიტიკას, რომელიც რეგიონი კრიზისამდე მიჰყავს და კონფლიქტის ზონაში ამ კრიზისის მიღმა მყოფ ქვეყნებსაც ითრევს.
მანამდე, კატარის სახელმწიფო ნავთობკომპანიამ, QatarEnergy-მა დაადასტურა, რომ რაკეტებმა რას-ლაფანის სამრეწველო ქალაქს დაარტყეს, ამ ტერიტორიაზე მსხვილი ნავთობგადამამუშავებელი ობიექტებია განლაგებული.
