სამშაბათს დილით ახლო აღმოსავლეთში დარტყმები გაგრძელდა, თავდასხმები აშშ-ის საელჩოსა და ერაყის დედაქალაქ ბაღდადში მდებარე სასტუმროზე განხორციელდა, ხოლო არაბთა გაერთიანებულმა საემიროებმა ნავთობის ობიექტებზე თავდასხმების გამო დროებით დახურეს საჰაერო სივრცე. ინფორმაციას CNN ავრცელებს.
ისრაელელმა სამხედროებმა განაცხადეს, რომ ირანის დედაქალაქ თეირანში „ფართომასშტაბიანი დარტყმების ტალღა დაიწყეს“, რომლის სამიზნეც რეჟიმის ინფრასტრუქტურა იყო.
ირანის ორგანიზაცია „წითელმა ნახევარმთვარემ“ სამშაბათს დილით განაცხადა, რომ მაშველები ცდილობდნენ ნანგრევებში მოყოლილი მაცხოვრებლის გამოყვანას, ხოლო ირანის სახელმწიფო საინფორმაციო სააგენტო Mehr-ის ცნობით, ირანის დედაქალაქში აფეთქების ხმა გაისმა.
ისრაელის თავდაცვის ძალებმა ასევე განაცხადეს, რომ ლიბანის დედაქალაქ ბეირუთში „ჰეზბოლას“ ობიექტებზე დარტყმების დამატებითი ტალღა დაიწყეს.
ეს მოხდა მას შემდეგ, რაც ისრაელმა ორშაბათს ქვეყნის სამხრეთში გაფართოებული სახმელეთო ოპერაცია დაიწყო.
ისრაელის საგანგებო სიტუაციების სამსახურმა ისრაელის მიმართულებით რაკეტების გაშვების შესახებ განაცხადა, თუმცა მსხვერპლის ან დარტყმების შესახებ ინფორმაცია არ ვრცელდება.
