კვირას, ირანმა ისრაელზე ორი საათის ინტერვალით ორი მასშტაბური თავდასხმა განახორციელა.
ისრაელის „მაგენ დავიდ ადომის“ სასწრაფო დახმარების სამსახურმა განაცხადა, რომ ბოლო დარტყმების შედეგად მიღებული „მცირე დაზიანებების“ გამო ორ 50 წლის მკაცს სამედიცინო დახმარება გაეწია.
ისრაელის ჯანდაცვის სამინისტროს ცნობით, ბოლო 24 საათის განმავლობაში საავადმყოფოებში დაშავებული 108 ადამიანი გადაიყვანეს, მათგან ორის მდგომარეობა საშუალო სიმძიმისაა.
უწყების ცნობით, კონფლიქტის დაწყებიდან 3,195 ისრაელელი საავადმყოფოში მოათავსეს, კვირა დილის მონაცემებით კი საავადმყოფოებში 81 ადამიანი რჩება.
ირანის მიერ განხორციელებული დარტყმების შედეგად დაიწვა მანქანები და შენობები დაზიანდა.
ამასთან, ისრაელის თავდაცვის ძალების სარდლობამ კვირა დილით განაცხადა, რომ ისრაელმა დასავლეთ ირანში მდებარე სამიზნეების წინააღმდეგ დარტყმების კიდევ ერთი „ფართომასშტაბიანი“ ტალღა დაიწყო.
