აშშ-ის არმიის მდივანმა დენ დრისკოლმა განაცხადა, რომ აშშ-მა ახლო აღმოსავლეთში ირანული თავდასხმების მოსაგერიებლად უკრაინაში ომში გამოცდილი 10 000 ჩამჭრელი დრონი გაგზავნა. ამის შესახებ ინფორმაცია Bloomberg-მა 13 მარტს გაავრცელა.
დრისკოლის თქმით, აშშ-მ Merops-ის დრონები 4 მარტამდე განალაგა.
Merops-ის დრონები შექმნილია კომპანია Project Eagle-ის მიერ, რომლესაც Google-ის ყოფილი აღმასრულებელი ხელმძღვანელი, ერიკ შმიტი აფინანსებს. 2024 წელს დრონები უკრაინაში გაგზავნეს.
Merops-ის ერთი დრონის ღირებულება 14 000-15 000 აშშ დოლარია, თუმცა, დრისკოლის თქმით, დიდი შეკვეთების დროს ფასი შეიძლება 3 000-5 000 დოლარამდე შემცირდეს. ეს ირანული შაჰედის ტიპის დრონებზე იაფია. შაჰედების საშუალო ღირებულება 20 000 დოლარია.
აშშ-ს მიერ ირანში უკრაინაში გამოცდილი იარაღის გაგზავნის შესახებ ინფორმაცია თითქმის პარალელურად გავრცელდა აშშ-ის პრეზიდენტ დონალდ ტრამპის განცხადებასთან ერთად, რომელშიც მან უარყო კიევის დახმარება ახლო აღმოსავლეთში მიმდინარე ომში.
„არა, ჩვენ არ გვჭირდება მათი [უკრაინელების] დახმარება დრონებისგან თავის დასაცავად. ჩვენ დრონების შესახებ ყველაზე მეტი ვიცით, ვიდრე ვინმე სხვამ. სინამდვილეში, ჩვენ გვაქვს მსოფლიოში საუკეთესო დრონები“, - განაცხადა ტრამპმა 13 მარტს. Fox News-ის ეთერში.
