ირანის მიერ მხარდაჭერილმა დაჯგუფებამ, „ერაყის ისლამურმა წინააღმდეგობამ“, დასავლეთ ერაყში ამერიკული KC-135 თვითმფრინავის ჩამოგდებაზე პასუხისმგებლობა აიღო.

აშშ-ის სამხედრო ძალებმა განაცხადეს, რომ თვითმფრინავის ჩამოგდება მის წინააღმდეგ ცეცხლის გახსნას უკავშირდებოდა.

Reuters-ის ცნობით, დაჯგუფებამ განაცხადა, რომ თვითმფრინავი „ქვეყნის სუვერენიტეტისა და საჰაერო სივრცის დასაცავად“ ჩამოაგდო.

აშშ-ის სამხედრო ძალების ცნობით, დასავლეთ ერაყში ამერიკული KC-135 ტიპის თვითმფრინავი ჩამოვარდა, რასაც სხვა თვითმფრინავთან დაკავშირებული ინციდენტი მოჰყვა.

„ინციდენტი ოპერაცია „ეპიკური მრისხანების“ დროს მეგობრულ საჰაერო სივრცეში მოხდა და ამჟამად სამაშველო სამუშაოები მიმდინარეობს.

ინციდენტში ორი თვითმფრინავი მონაწილეობდა. ერთი თვითმფრინავი დასავლეთ ერაყში ჩავარდა, მეორე კი უსაფრთხოდ დაეშვა. ეს არ ყოფილა მტრული ან მეგობრული ცეცხლის შედეგი“, - წერს აშშ-ის ცენტრალური სარდლობა.

Reuters-ის წყარომ განაცხადა, რომ ჩამოვარდნილ თვითმფრინავში ექვსამდე სამხედრო იმყოფებოდა.