უკრაინამ ახლო აღმოსავლეთში სამხედრო მრჩევლების სამი ჯგუფი გაგზავნა. ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
“რაც შეეხება ახლო აღმოსავლეთში ვითარებას, ჩვენი გუნდები გავგზავნეთ. სამი პროფესიონალური, დაკომპლექტებული გუნდი… ამ კვირის განმავლობაში სამივე იქნება სამ სხვადასხვა ქვეყანაში. პირველი სამი ქვეყანა, სადაც ჩვენი შეთანხმებებით გავგზავნეთ - კატარი, არაბთან გაერთიანებული საამიროები, საუდის არაბეთი,” - განაცხადა ზელენსკიმ.
ზელენსკიმ აღნიშნა, რომ ახლო აღმოსავლეთის ქვეყნების მოთხოვნა უკრაინისადმი შედის „დრონებზე შეთანხმების“ პროგრამაში, რომელიც უკრაინამ ადრე შესთავაზა შეერთებულ შტატებს.
„ამას ვთავაზობდით უპირველეს ყოვლისა ამერიკელებს, ჩვენს პარტნიორებს. ხოლო ის, რომ დღეს ახლო აღმოსავლეთს ჩვენდამი ასეთი მოთხოვნა აქვს, ეს ყველაფერი არის პრინციპში “დრონებზე შეთანხმების” ნაწილი. ამიტომ “დრონებზე შეთანხმება” აშშ-სთვის სავსებით აქტუალურია,” - განაცხადა ზელენსკიმ.
უკრაინის პრეზიდენტმა აღნიშნა, რომ ყველა ამერიკელ ექსპერტს „ესმის, რომ მხოლოდ უკრაინის გამოცდილებას შეუძლია ნამდვილად დაეხმაროს დღეს “შაჰედების“ მიერ განხორციელებული მასობრივი თავდასხმების ჩაშლაში“.
