უკრაინის პრეზიდენტმა ვოლოდიმირ ზელენსკიმ განაცხადა, რომ თავდაცვის ძალებმა სამხრეთ უკრაინაში 400-435 კმ ტერიტორიაზე კონტროლი აღადგინა.
ზელენსკიმ ამის შესახებ ნიდერლანდების პრემიერ-მინისტრ რობ იეტენთან ერთობლივ ბრიფინგზე განაცხადა.
„ჩვენი ქვეყნის სამხრეთით, ბოლო თვენახევრის განმავლობაში, არაერთი მნიშვნელოვანი თავდაცვითი მოქმედება განხორციელდა, ზოგიერთი მიმართულებით კი - შეტევითი.
მოქმედებები მხოლოდ რუსეთის გეგმების ჩაშლისკენ იყო მიმართული. ჩვენ გვჯერა, რომ საკმაოდ წარმატებულები ვიყავით - დაახლოებით 400-435 კმ-ზე კონტროლი აღვადგინეთ“, - განაცხადა ზელენსკიმ.
