კრემლის განცხადებით, რუსეთის პრეზიდენტ ვლადიმირ პუტინსა და უნგრეთის პრემიერ-მინისტრ ვიქტორ ორბანს შორის სატელეფონო საუბარი გაიმართა, რომლის დროსაც უკრაინის საკითხი განიხილეს.
როგორც იუწყებიან, ორბანსა და პუტინს შორის საუბრის პირველი თემა იყო „ირანის გარშემო სიტუაციის მკვეთრი ესკალაცია“ და მთელ ახლო აღმოსავლეთში, მათ შორის გლობალური ენერგეტიკული ბაზრისთვის მისი პოტენციური შედეგები.
გარდა ამისა, ორბანმა და პუტინმა უკრაინასთან დაკავშირებით მოსაზრებები გაცვალეს.
„პუტინმა ხაზი გაუსვა უნგრეთის ხელმძღვანელობის პრინციპულ პოზიციას კონფლიქტის [უკრაინის წინააღმდეგ რუსეთის ომი] პოლიტიკური და დიპლომატიური მოგვარების მხარდაჭერაში, ასევე მათი საერთო სურვილი, გააგრძელონ დაბალანსებული და სუვერენული კურსი საგარეო მიმართულებით“, - ნათქვამია განცხადებაში.
აღნიშნულია, რომ მხარეებმა ასევე ისაუბრესუკრაინის შეიარაღებულ ძალებში მობილიზებული და რუსეთის მიერ ტყვედ აყვანილი უნგრეთის მოქალაქეების შესახებ.
