კვიპროსში, დიდი ბრიტანეთის საჰაერო ძალების აკროტირის საჰაერო ბაზაზე ირანულმა დრონმა თავდასხმა განახორციელა მას შემდეგ, რაც პრემიერ-მინისტრმა კირ სტარმერმა აშშ-ს ბრიტანული ბაზებიდან ირანის სარაკეტო ბაზებზე თავდაცვითი დარტყმების განხორციელების ნებართვა მისცა. ამის შესახებ Daily Mail იუწყება.
ადგილობრივი დროით დაახლოებით შუაღამისას, ლიმასოლში მდებარე საჰაერო ბაზაზე აფეთქება დაფიქსირდა და „უსაფრთხოების საფრთხე“ გამოცხადდა.
„ჩვენი ძალების დაცვა რეგიონში უმაღლეს დონეზეა და ბაზამ ჩვენი ხალხის დასაცავად რეაგირება მოახდინა“, - განაცხადა თავდაცვის სამინისტროს პრესსპიკერმა.
სამხედრო პერსონალმა მოქმედებების შესახებ შესაბამისი ბრძანებები მიიღო.
Cyprus Mail-ს ცნობით, დაუდასტურებელი მონაცემებით, შესაძლოა, ეს Shahed 136-ის ტიპის დრონი ყოფილიყო.
აფეთქების შედეგად არავინ დაშავებულა, თუმცა მცირე ნგრევა დაფიქსირდა.
ლონდონმა ცოტა ხნის წინ ამ ბაზაზე თავდაცვითი ზომების სახით დამატებითი საშუალებები განათავსა, მათ შორის საჰაერო თავდაცვის სისტემები, რადარები და F-35 ტიპის თვითმფრინავები.
