ესტონეთის საგარეო საქმეთა სამინისტროს განცხადებით, ირანის მიერ არაბთა გაერთიანებული საამიროების დედაქალაქ აბუ დაბიზე განხორციელებული თავდასხმების შედეგად ესტონეთის საელჩოს შენობა დაზიანდა. ამის შესახებ ERR იუწყება.
ირანის თავდასხმების შედეგად დაზიანებულ შენობებს შორის არის აბუ დაბიში ესტონეთის საელჩოს შენობა. საელჩოს თანამშრომლები არ დაშავებულან.
ესტონეთის საგარეო საქმეთა მინისტრმა მარგუს ცაჰკნამ ესტონელებს სიმშვიდის შენარჩუნებისკენ მოუწოდა.
„ესტონეთის მოქალაქეებს ვთხოვთ, შეინარჩუნონ სიმშვიდე და დარჩნენ უსაფრთხო ადგილას. საგარეო საქმეთა სამინისტრო 24 საათის განმავლობაში მუშაობს ჩვენი მოქალაქეების დასახმარებლად და ყველაფერს აკეთებს იმისათვის, რომ საზღვარგარეთ მყოფმა ესტონეთის მოქალაქეებმა რაც შეიძლება მალე შეძლონ სამშობლოში დაბრუნება. ასევე, საჭიროების შემთხვევაში, საევაკუაციო ფრენების ორგანიზების მიზნით, ჩვენ მუდმივ კონტაქტზე ვართ სხვა ქვეყნებთან. ახლა ყველაზე მნიშვნელოვანია ადგილობრივი ამბების თვალყურის დევნება და მთავრობის ინსტრუქციების დაცვა. ასევე მივიღეთ ინფორმაცია, რომ აბუ დაბიშითავდასხმა მოხდა მაღალსართულიან კომპლექსზე, სადაც ესტონეთის საელჩო მდებარეობს. საბედნიეროდ, საელჩოს თანამშრომლები არ დაშავებულან“, - განაცხადა ესტონეთის საგარეო საქმეთა მინისტრმა მარგუს ცაჰკნამ.
