დასავლური მედიის ცნობით, მას შემდეგ, რაც სახელმწიფო მედიამ ირანის უზენაესი ლიდერის, ალი ხამენეის გარდაცვალების შესახებ განცხადება გაავრცელა, თეირანისა და ირანის სხვა ქალაქების მაცხოვრებლები ქუჩებში გამოვიდნენ. მათი ნაწილი ზეიმობდა, ნაწილი აიათოლას დაღუპვას გლოვობდა.
AFP-ის ცნობით, ირანის დედაქალაქის ცენტრში ათასობით მგლოვიარე შეიკრიბა, რომლებსაც ხამენეის პორტრეტები ეჭირათ ხელში. ირანული საინფორმაციო სააგენტო IRNA-ს ოპერატორის მიერ გადაღებულ ვიდეოში ჩანს, თუ როგორ შეიკრიბა თეირანის ცენტრალურ ენგელაბის მოედანზე ხამენეის ხსოვნისადმი მიძღვნილ მიტინგზე რამდენიმე ათასი ადამიანი. ამასთან, BBC Persian-ის ინფორმაციით, დღეს დილით ქუჩებში მიმდინარე მოვლენები, როგორც ჩანს, უზენაესი ლიდერის გარდაცვალებისადმი მიძღვნილი პრო-სამთავრობო ღონისძიებებია.
New York Times კი იუწყება, რომ ამავდროულად, ირანის ქალაქების ქუჩებში ასევე შეგიძლიათ ნახოთ ისინი, ვინც, პირიქით, ხამენეის მმართველობის დასასრულს აღნიშნავს.
NYT-ის ცნობით, სამმა მცხოვრებმა ჟურნალისტებს აჩვენა ვიდეო, თუ როგორია ახლა ცხოვრება მათ უბნებში: კაცებისა და ქალების დიდი ჯგუფები ცეკვავენ და სკანდირებენ. ცა ფეიერვერკით იარის განათებული, ქუჩები კი ხმამაღლა სპარსული საცეკვაო მუსიკა ისმის. მოალაქეები ფანჯრებიდან და აივნებიდან სკანდირებენ „თავისუფლება, თავისუფლება!“.
