უკრაინის პრეზიდენტმა ვოლოდიმირ ზელენსკიმ განაცხადა, რომ ვერავინ შეძლებს უკრაინისთვის იმის გარანტიის მიცემას, რომ კრემლის ლიდერი ვლადიმირ პუტინი ისევ არ დაბრუნდება.
ამის შესახებ ზელენსკიმ პირს მორგანთან ინტერვიუში ილაპარაკა.
„დღეს, გავლენიანი ამერიკელი პრეზიდენტის და მთლიანად ამერიკის მიმართ სრული პატივისცემის მიუხედავად, ვერავინ მოგვცემს ძალიან მტკიცე დაპირებას. ვგულისხმობ იმას, რომ ამერიკა ძლიერი ქვეყანაა და ჩვენ მისი უსაფრთხოების გარანტიები გვჭირდება. მაგრამ ამ ყველაფრის მიუხედავად, ვერავინ გვეტყვის ან დაგვპირდება, რომ პუტინი აღარ დაბრუნდება“, - განაცხადა ზელენსკიმ.
ზელენსკიმ აღნიშნა, რომ უკრაინას უსაფრთხოების ძლიერი გარანტიები სჭირდება.
„როდესაც უსაფრთხოების გარანტიებზე ვსაუბრობთ, ვგულისხმობთ, რომ გვჭირდება ძლიერი უსაფრთხოების გარანტიები, რომ დანარჩენი მსოფლიო ან ზოგიერთი ქვეყანა მზად იქნება პუტინს უპასუხოს, თუ ის აგრესიით დაბრუნდება ან როდესაც ის კვლავ დაბრუნდება,“ - განაცხადა ზელენსკიმ.
