ომანის დედაქალაქ მასკატში აშშ-სა და ირანის ოფიციალურ პირებს შორის ირანის ბირთვულ პროგრამასთან დაკავშირებით მოლაპარაკებები დასრულდა, მხარეები კონსულტაციების გაგრძელებაზე შეთანხმდნენ.
აშშ-ირანის მოლაპარაკებების შემდეგი რაუნდი უახლოეს დღეებშია მოსალოდნელი.
ამის შესახებ Axios-ის ჟურნალისტი ბარაკ რავიდი X-ზე წერს.
ომანის საგარეო საქმეთა მინისტრმა ბადრ ალ-ბუსაიდიმ გამოაქვეყნა ფოტოები ირანელ კოლეგასთან, აბას არაღჩისთან და აშშ-ის სპეციალურ წარმომადგენელ სტივ იიტკოფთან შეხვედრებიდან.
ომანის საგარეო საქმეთა სამინისტროს ხელმძღვანელმა მოლაპარაკებებს „სერიოზული და სასარგებლო“ უწოდა.
მისი თქმით, მხარეები კონსულტაციების შედეგებს განიხილავენ და კვლავ შეხვდებიან.
ალ-ბუსაიდიმ მოლაპარაკებების თემასთან დაკავშირებით კონკრეტული დეტალები არ გაამხილა, თუმცა თეირანმა მანამდე არაერთხელ განაცხადა, რომ მოლაპარაკებები მხოლოდ ირანის ბირთვულ პროგრამას უნდა შეხებოდა.
