6 თებერვლის ღამეს, დნიპროპეტროვსკის ოლქში რუსეთის საჰაერო დარტყმის შედეგად ერთი ადამიანი დაიღუპა და ორი დაშავდა.
ამის შესახებ ინფორმაციას დნიპროპეტროვსკის ოლქის სამხედრო ადმინისტრაციის ხელმძღვანელი ოლექსანდრ ჰანჯა ავრცელებს.
„სინელნიკოვსკის ოლქის ვასილკოვსკაიას, მალომიხაილოვსკაიას, სლავიანსკაიასა და პოკროვსკაიას თემებზე თავდასხმა განხორციელდა.
აგრესორმა გამოიყენა უპილოტო საფრენი აპარატები და საჰაერო თავდაცვის სისტემები. ერთი ადამიანი დაიღუპა და ორი დაშავდა“, - აცხადებს ჰანჯა.
რუსული დარტყმების შედეგად, ტერიტორიაზე ხანძარი გაჩნდა, ორი სახლი დაინგრა, ექვსი კერძო სახლი, ექვსი ორსართულიანი საცხოვრებელი კორპუსი, დამხმარე შენობა და ავტოფარეხი დაზიანდა.
ოკუპანტებმა ნიკოპოლს არტილერიითა და დრონებით შეუტიეს.
პოკროვსკაიას დასახლებაში სამი კერძო სახლი, დამხმარე ნაგებობა და გაზსადენი დაზიანდა.
