უკრაინის პირველმა ვიცე-პრემიერმა და ენერგეტიკის მინისტრმა დენის შმიჰალმა მოუწოდა ატომური ენერგიის საერთაშორისო სააგენტოს (IAEA) რუსეთის სრული იზოლაციისკენ, სანქციების დაწესებისა და ორგანიზაციაში მისი წევრობის შეჩერებისკენ.
კერძოდ, შმიჰალმა მოუწოდა ატომური ენერგიის საერთაშორისო სააგენტოს (IAEA), თავისი წესდების შესაბამისად, განახორციელოს თავისი უფლებამოსილებები და უზრუნველყოს ბირთვული უსაფრთხოების შვიდი საყრდენის დაცვა, რომელსაც რუსეთის ფედერაცია ღიად არღვევს.
„ატომური ენერგიის საერთაშორისო სააგენტოს მმართველთა საბჭოს შემდეგი სხდომა, რომელიც უკრაინის მოთხოვნით იქნება მოწვეული, იანვრის ბოლოს გაიმართება. სააგენტომ უნდა დააყენოს რუსეთის სრული საერთაშორისო იზოლაციისა და მისი, როგორც წევრი სახელმწიფოს, უფლებების შეჩერების საკითხი, რომლის ქმედებებიც გლობალური კატასტროფით ემუქრება და ეწინააღმდეგება ატომური ენერგიის საერთაშორისო სააგენტოს მიზანს“, - აღნიშნა მან.
შმიჰალმა ასევე მოუწოდა ატომური ენერგიის საერთაშორისო სააგენტოს, აცნობოს გაერო-ს უშიშროების საბჭოს და გაერო-ს გენერალურ ასამბლეას რუსეთის მიერ ბირთვული და რადიაციული უსაფრთხოების სტანდარტების დარღვევის შესახებ და დაიწყოს შესაბამისი საერთაშორისო სანქციების გამოყენება. მისი თქმით, ენერგოსისტემაზე, ძირითად ქვესადგურებზე მიმდინარე თავდასხმები აჩვენებს ბირთვული ტერორიზმის აშკარა ნიშნებს.
