აშშ-ის პრეზიდენტმა დონალდ ტრამპმა განაცხადა, რომ დემოკრატებმა, შესაძლოა, მისი იმპიჩმენტი გამოაცხადონ, თუ რესპუბლიკელები კონგრესის შუალედურ არჩევნებში გამარჯვებას ვერ შეძლებენ. ეს განცხადება მან აშშ-ის წარმომადგენელთა პალატაში სიტყვით გამოსვლისას გააკეთა.
„თქვენ [რესპუბლიკელებმა] შუალედური არჩევნები უნდა მოიგოთ, რადგან თუ ჩვენ ვერ გავიმარჯვებთ, ისინი [დემოკრატები] იპოვიან მიზეზს ჩემი იმპიჩმენტისთვის. მე იმპიჩმენტს გამომიცხადებენ“, - თქვა ტრამპმა.
აშშ-ის პრეზიდენტმა აღნიშნა, რომ დარწმუნებულია, რომ რესპუბლიკელები კონგრესის არჩევნებში გაიმარჯვებენ.
შეგახსენებთ, რომ შუალედური არჩევნები 2026 წლის ნოემბერში გაიმართება.
