უკრაინის პრეზიდენტმა ვოლოდიმირ ზელენსკიმ X-ზე დაწერა, რომ მას შეხვედრა ჰქონდა საფრანგეთის პრეზიდენტ ემანუელ მაკრონთან, რომელზეც განიხილეს თავდაცვითი იარაღის შემდგომი მიწოდება.
„დიპლომატია და რეალური დახმარება ერთმანეთთან უნდა იყოს დაკავშირებული. რუსეთი არ წყვეტს ჩვენი ქვეყნის წინააღმდეგ თავდასხმებს და ახლა ჩვენ გვჭირდება საჰაერო თავდაცვის გაძლიერება ჩვენი ხალხის, ჩვენი დასახლებებისა და კრიტიკული ინფრასტრუქტურის დასაცავად.
საჰაერო თავდაცვის რაკეტების ყოველი მიწოდება სიცოცხლეს იხსნის და დიპლომატიის შანსებს გაზრდის. სწორედ ამიტომ, ყველა შეხვედრამ უნდა გამოიღოს კონკრეტული შედეგები - ახალი გადაწყვეტილებები საჰაერო თავდაცვის შესახებ, ახალი დახმარების პაკეტები და ახალი შესაძლებლობები ცის დასაცავად.
პრეზიდენტ მაკრონთან შეხვედრის დროს ზუსტად ეს განვიხილეთ - უკრაინის რეალური შესაძლებლობები რუსული ტერორის წინააღმდეგ საბრძოლველად, ჩვენი თავდაცვა და მხარდაჭერა, რომელსაც შეუძლია გააძლიეროს ჩვენი პოზიციები დიპლომატიაში.
დღეს პარიზში იმართება "მსურველთა კოალიციის" ყველაზე წარმომადგენლობითი შეხვედრა, რომელსაც ესწრებიან სახელმწიფოს მეთაურები, საერთაშორისო ორგანიზაციების ლიდერები, მინისტრები და ელჩები. ჩვენ ვამზადებთ მნიშვნელოვან პოლიტიკურ ნაბიჯებს,“ - წერს ზელენსკი
