კუბის მთავრობის განცხადებით, ვენესუელაში აშშ-ის სამხედრო ოპერაციის დროს კუბის 32 მოქალაქე დაიღუპა.

კუბის მთავრობის განცხადებით, ვენესუელის პრეზიდენტის, ნიკოლას მადუროს დაკავების მიზნით აშშ-ის მიერ ჩატარებული სამხედრო ოპერაციის დროს კუბის 32 მოქალაქე დაიღუპა. მთავრობის განცახდებით, ისინი  საბრძოლო მოქმედებების დროს ან საჰაერო დარტყმების შედეგად დაიღუპნენ.

„2026 წლის 3 იანვრის გამთენიისას, შეერთებული შტატების მთავრობის მიერ ვენესუელის მოძმე ბოლივარიული რესპუბლიკის წინააღმდეგ განხორციელებული დანაშაულებრივი თავდასხმის შედეგად, საბრძოლო ოპერაციების დროს დაიღუპა 32 კუბელი, რომლებიც  სამხრეთ ამერიკული ქვეყნის შესაბამისი ორგანოების მოთხოვნით, რევოლუციური შეიარაღებული ძალებისა და შინაგან საქმეთა სამინისტროს სახელით დავალებას ასრულებდნე - ნათქვამია განცხადებაში.  

ამასთან, დონალდ ტრამპმაც დაადასტურა, რომ ოპერაციის დროს ბევრი კუბელი დაიღუპა.

„იცით, ბევრი კუბელი მოკლეს გუშინ. მცველები. ბევრი დაღუპული იყო მეორე მხარეს. ჩვენს მხარეს დაღუპული არ ყოფილა“, – განაცხადა ტრამპმა.