აშშ-ის პრეზიდენტმა დონალდ ტრამპმა განაცხადა, რომ მან არაფერი იცის უკრაინის მიერ რუსეთის პრეზიდენტ ვლადიმირ პუტინის რეზიდენციაზე სავარაუდო თავდასხმის შესახებ, თუმცა „გაარკვევს გარემოებებს“.
ტრამპმა ამის შესახებ ისრაელის პრემიერ-მინისტრ ბენიამინ ნეთანიაჰუსთან ერთად გამართულ პრესკონფერენციაზე განაცხადა.
„სინამდვილეში, ამის შესახებ ახლახან გავიგე, მაგრამ არაფერი ვიცი. ეს ძალიან საწყენი იქნებოდა,“ - განაცხადა ტრამპმა.
თუმცა, შემდეგ მან დაამატა, რომ პუტინმა მას სავარაუდო თავდასხმის შესახებ ორშაბათს სატელეფონო საუბრის დროს აცნობა.
„პუტინმა ამის შესახებ დღეს დილით ადრე მითხრა. მან თქვა, რომ თავს დაესხნენ. ეს კარგი არ არის. ეს კარგი არ არის. არ დაგავიწყდეთ, მე შევაჩერე Tomahawk-ები. ერთია აგრესიული იყო და მეორე - მის სახლს დაესხა თავს. ახლა ასეთი ქმედებების დრო არ არის“, - განაცხადა ტრამპმა.
შეკითხვაზე, მიიღო თუ არა მან თავდასხმის მტკიცებულებები აშშ-ის სადაზვერვო სააგენტოებისგან, მან თქვა, რომ ეს საკითხი გარკვევის პროცესშია.
„შესაძლოა, თავდასხმა არ მომხდარა, როგორც თქვენ ამბობთ. პუტინმა მითხრა, რომ ეს მოხდა“, - თქვა ტრამპმა.
შეგახსენებთ, რუსეთის პრეზიდენტის თანაშემწემ, იური უშაკოვმა განაცხადა, რომ ვლადიმირ პუტინმა დონალდ ტრამპს უკრაინის შეიარაღებული ძალების მიერ რუსეთის პრეზიდენტის რეზიდენციაზე თავდასხმის მცდელობის შესახებ აცნობა.
