სირიის ქალაქ ჰომსში, შიიტური იმამ ალის მეჩეთში მომხდარი აფეთქების შედეგად რვა ადამიანი დაიღუპა და 18 დაშავდა. ინფორმაციას სირიის სახელმწიფო სააგენტო SANA ადგილობრივ ხელისუფლებაზე დაყრდნობით ავრცელებს.
Reuters ოფიციალურ პირებზე დაყრდნობით, იუწყება, რომ აფეთქება ალავითების მეჩეთში პარასკევის შუადღის ლოცვის დროს მოხდა, როდესაც იქ ხალხმრავალობა იყო.
წყარომ SANA-ს განუცხადა, რომ წინასწარი ინფორმაციით, მეჩეთში ასაფეთქებელი მოწყობილობები იყო დამონტაჟებული.
თავდასხმაზე პასუხისმგებლობა ჯერ არცერთ ორგანიზაციას არ აუღია.
