დიდი ბრიტანეთი, საფრანგეთი, გერმანია და თურქეთი მზად არიან ომის დასრულების შემდეგ უკრაინაში სამშვიდობო კონტინგენტი განათავსონ. ამის შესახებ უკრაინის პრეზიდენტის ოფისის ხელმძღვანელის მრჩეველმა, მიხაილო პოდოლიაკმა Novyi.LIVE-თან ინტერვიუში განაცხადა.
მან ხაზგასმით აღნიშნა, რომ კიევმა რუსეთი მარტო არ უნდა „შეაკავოს“ და იმედოვნებს, რომ ამით დაინტერესებული საერთაშორისო პარტნიორების დახმარებას მიიღებს.
„ისმის კითხვა: ვინ დააფინანსებს ყველაფერს? ვინ იქნება იქ, რომ ყველაფერი ერთიან სისტემაში გაერთიანდეს და ვინ გაუწევს მოდერირებას რუსეთის შეკავების პროცესებს?“ - განაცხადა პოდოლიაკმა.
მისი თქმით, მაგალითად, თურქეთისთვის მნიშვნელოვანია „არ დაუშვას იმის განმეორება, რაც აზარალებს ბიზნესს და შავ ზღვაში ეკონომიკურ პრობლემებს ქმნის.”
