აშშ-ის პრეზიდენტის სპეციალურმა წარმომადგენელმა სტივ უიტკოფმა უკრაინულ და რუსულ მხარეებთან, ასევე მათ ევროპელ პარტნიორებთან სამშვიდობო შეთანხმების მოლაპარაკებების შედეგები შეაჯამა.
უკრაინის დელეგაციასთან შეხვედრასთან დაკავშირებით, უიტკოფმა აღნიშნა, რომ „ცალკე კონსტრუქციული შეხვედრა შედგა აშშ-უკრაინის ფორმატში, რომლის დროსაც ყურადღება ოთხ ძირითად დოკუმენტზე გამახვილდა: 20-პუნქტიანი გეგმის შემდგომი შემუშავება, უსაფრთხოების გარანტიების მრავალმხრივი სისტემის საკითხზე პოზიციების კოორდინაცია, უკრაინისთვის აშშ-ის უსაფრთხოების გარანტიების სისტემის საკითხზე პოზიციების კოორდინაცია და ეკონომიკური განვითარებისა და კეთილდღეობის გეგმის შემდგომი შემუშავება. განსაკუთრებული ყურადღება დაეთმო შემდეგი ნაბიჯების ვადებისა და თანმიმდევრობის განხილვას. უკრაინა კვლავ სრულად ერთგული რჩება სამართლიანი და მდგრადი მშვიდობის მიღწევის.
ჩვენი საერთო პრიორიტეტია მკვლელობების დასრულება, გარანტირებული უსაფრთხოების უზრუნველყოფა და უკრაინის აღდგენის, სტაბილურობისა და გრძელვადიანი კეთილდღეობისთვის პირობების შექმნა. მშვიდობა არა მხოლოდ საომარი მოქმედებების დასრულება უნდა იყოს, არამედ სტაბილური მომავლის ღირსეული საფუძველიც.
უკრაინა დიდად აფასებს შეერთებული შტატების ლიდერობასა და მხარდაჭერას, ასევე პარტნიორებთან მჭიდრო კოორდინაციას ამ მნიშვნელოვანი სამუშაოს შემდგომ ეტაპებზე“, - წერს უიტკოფი Х-ზე.
კიდევ ერტ პოსტში უიტკოფმა აღნიშნა, რომ რუსეთის ლიდერის სპეციალურმა წარმომადგენელმა, კირილ დმიტრიევმა, „პროდუქტიული და კონსტრუქციული შეხვედრები გამართა ამერიკულ დელეგაციასთან, რათა წინ წაიწიოს პრეზიდენტ ტრამპის მიერ უკრაინისთვის შემუშავებული სამშვიდობო გეგმამ“, - წერს უიტკოფი .
„რუსეთი კვლავ სრულად ერთგული რჩება უკრაინაში მშვიდობის მიღწევის. რუსეთი დიდად აფასებს შეერთებული შტატების ძალისხმევასა და მხარდაჭერას უკრაინის კონფლიქტის მოგვარებისა და გლობალური უსაფრთხოების აღდგენის საკითხებში“, - წერს უიტკოფი.
