აშშ-ის ომის დეპარტამენტის მდივანმა პიტ ჰეგსეთმა განაცხადა, რომ აშშ-ის სამხედროები ვენესუელაში გამავალ ან შემავალ ტანკერებს მანამდე დაბლოკავენ, ვიდრე დიქტატორ ნიკოლას მადუროს რეჟიმი „ამერიკულ მოპარულ ყველა აქტივს“ არ დააბრუნებს.
„პრეზიდენტმა ტრამპმა ნათლად განაცხადა: სანქცირებული ნავთობტანკერების ბლოკადა, რომლებიც ვენესუელიდან მოემართებიან ან ვენესუელაში მიემართებიან, სრული ძალით დარჩება მანამდე, ვიდრე მადუროს კრიმინალური ორგანიზაცია ამერიკულ აქტივებს არ დააბრუნებს,“ - განაცხადა ჰეგსეთმა.
ჰეგსეთმა განცხადება მას შემდეგ გაავრცელა, რაც გავრცელდა ინფორმაცია, რომ აშშ-ის ძალებმა შაბათს ვენესუელას სანაპიროსთან გემი დააკავეს.
მან ასევე გააზიარა აშშ-ის შიდა უსაფრთხოების მდივნის, კრისტი ნოემის ვიდეო, სადაც ჩანს ვერტმფრენი, რომელიც ტანკერის თავზე დაფრინავს.
მისი თქმით, აშშ ენერგიულად გააგრძელებს ოპერაციებს ოპერაცია „სამხრეთის შუბის“ ფარგლებში, უკანონო კრიმინალური ქსელების განადგურების მიზნით.
„ძალადობა, ნარკოტიკები და ქაოსი ვერ გააკონტროლებს დასავლეთ ნახევარსფეროს“, - განაცხადა ჰეგსეთმა.
