ფილარმონიის დიდი საკონცერტო დარბაზის წინ დღეს კიდევ ერთი ვარკვლავი გაიხსნება.
ამჯერად კულტურის, ძეგლთა დაცვისა და სპორტის სამინისტროს ორგანიზებით ფილარმონიის შესასვლელთან უკვე არსებულ ვარკვლავებს "ცისფერი ტრიოს" ვარსკვლავი შეემატება.
იქამდე კი, დიდ საკონცერტო დარბაზში "ცისფერი ტრიოს" საიუბილეო კონცერტი გაიმართება. ანსამბლს დაარსებიდან 35 წელი შეუსრულდა.
ტრიოს წევრები თამაზ სეფერთელაძეს, დავით აბესაძესა და მალხაზ თავართქილაძეს საქართველოს დამსახურებული და სახალხო არტისტის წოდებები აქვთ მინიჭებული. ამასთან სამივე "ღირსების ორდენითაც" არიან დაჯილდოებულნი.
აღსანიშნავია, რომ ფილარმონიის წინ ეს უკვე მე-13 ვარსკვლავი იქნება.
