რუსეთში ტვერისა და ნოვგორიდის ოქლებს შორის, ქალაქ ბოლოგოესთან, რელსებიდან მატარებლის გადავარდნის შედეგად, დაზუსტებული ინფორმაციით დაღუპულა 26 ადამიანი, 96 გადაყვანილია საავადმყოფოში, 18 მგზავრის ადგილსამყოფელისა დამდგომარეობის შესახებ ინფორმაცია ჯერ-ჯერობით არარსებობს.
მატარებელი, რომელიც მოსკოვიდან სანკ-პეტერბურგის მიმართულებით მიემგზავრებოდა 27 ნოემბერს, მოსკოვის დროით 21:30 საათზე რელსებიდან გადავიდა.
"ამ დროისთვის ნაპოვნია 26 ცხედარი, 96 ადამიანი სხვადასხვა სიმძიმის დაზიანებით გადაყვანილია სავადმყოფოში, 18 მგზავრის შესახებ მიმდინარეობს მონაცმების დაზუსტება", _ იტყობინება ავარიის ლიკვიდაციის ოპერატიული შტაბი.
სულ მატარებელ "ნევსკი ექსპრესსის" 13 სამგზავრო ვაგონში გაყიდული იყო 611 ბილეთი, ხოლო იმ სამ ვაგონში, რომელიც ყველაზე მეტად დაზიანდა 204 ბილეთია გაყიდული. Yველაზე მეტად 11-12-13 ვაგონი დაზიანდა.
"რუსეთის რკინიგზის" მიერ გამოქვეყნებული მგზავრების სიის მიხედვით,
მატარებელში სამი ქართველი იმყოფებოდა _ ხუბუტია ა.ვ. მე-4 ვაგონში, ბოჭეარშვილი (სავარაუდოდ ნოჭორიშვილი. რედ.) ა.ბ _ მე-10 ვაგონში, ღონღაძე კ.ს მე-3 ვაგონში.
ავარიის მიზეზებთან დაკავშირებით სხვადასხვა ვერსიები, მათ შორის ტერაქტი დასახელდა. რკინიგზის ხაზთან ახლოს აღმოჩენილია ორმო, რომლის დიამეტრი ერთ მეტრს აღემატება. ასევე თვითმხილველები აცხადებენ, რომ შემთხვევის დროს მათ უცნაური, სავარაუდოდ აფეთქების ხმა გაიგეს.
ერთ-ერთ ვერსიად ელექტროენეტრგიის გამორთვის შედეგად მატარებლის რელსებიდან გადასვლა სახელდება. როგორც რკინიგზის წარმომადგენლები აცხადებენ, ავარია, შესაძლოა, ელეტროენერგიის ძაბვის ცვალებადობას გამოეწვია, რის გამოც არ არის გამორიცხული ლიანდაგის ისარი გადართულიყო. ასევე განიხილება სარკინიგზო მაგისტრალის ტექნიკური გაუმართაობა.
