უკრაინის დონეცკის ოლქის ქალაქ კრამატორსკში უკრაინული ტელეარხის, Freedom-ის ჟურნალისტი ალიონა გრამოვა(გუბანოვა) და ოპერატორი ევგენ კარმაზინი დაიღუპნენ.
Freedom-ის ინფორმაციით, გადამღები ჯგუფი რუსული დრონით, „ლანცეტით“ დარტყმის ქვეშ აღმოჩნდა.
დრონით თავდასხმის დროს ჟურნალისტი და ოპერატორი ბენზინგასამართ სადგურზე ავტომობილში იმყოფებოდნენ. დაჭრილია სპეციალური კორესპონდენტი ოლექსანდრ კოლიჩევი, რომელიც საავადმყოფოში გადაიყვანეს.
დონეცკის ოლქის სამხედო ადმინისტრაციის ხელმძღვანელი ვადიმ ფილაშკინი წერს, რომ ჟურნალისტები სრულმასშტაბიანი შეჭრის პირველივე დღეებიდან აშუქებდნენ რეგიონში არსებულ ვითარებას.
