ევროკავშირმა რუსეთის წინააღმდეგ ახალი, მე-19 სანქციების პაკეტი დაამტკიცა, რომელიც მოიცავს ნავთობტანკერების ე.წ. „ჩრდილოვანი ფლოტის“ წინააღმდეგ ზომებს და თხევადი ბუნებრივი აირის იმპორტის აკრძალვას.
ახალი სანქციები 2027 წლის პირველი იანვრიდან შევა ძალაში.
"დღეს კარგი დღეა ევროპისა და უკრაინისთვის", - განაცხადა დანიის საგარეო საქმეთა მინისტრმა ლარს ლიოკე რასმუსენმა ბრიუსელში დაგეგმილი ევროკავშირის სამიტის წინ გამოქვეყნებულ განცხადებაში.
მისი თქმით, ახალი სანქციები "რუსეთის ნავთობის, გაზის, ჩრდილოვანი ფლოტისა და ფინანსური სექტორის წინააღმდეგ ახალ და ყოვლისმომცველ ზომებს ითვალისწინებს".
ევროკავშირის მიერ სანქციების ახალი პაკეტის მიღებას წინ უსწრებდა შეერთებული შტატების მიერ უმსხვილესი რუსული ნავთობკომპანიების, "როსნეფტისა" და "ლუკოილის" წინააღმდეგ სანქციების დაწესება. ეს ზომები მიზნად ისახავს რუსეთის პრეზიდენტის, ვლადიმერ პუტინის იძულებას, მოლაპარაკებები აწარმოოს და უკრაინის წინააღმდეგ რუსეთის ომი დაასრულოს.
