აშშ-ის პრეზიდენტმა დონალდ ტრამპმა განაცხადა, რომ მას რუსეთის წინააღმდეგ ომში უკრაინის გამარჯვებაში ეჭვი ეპარება.
„მათ ჯერ კიდევ შეუძლიათ გამარჯვება. არ მგონია, რომ გაიმარჯვებენ, მაგრამ მაინც შეუძლიათ. მე არასდროს მითქვამს, რომ გაიმარჯვებენ.
მე ვთქვი, რომ მათ შეუძლიათ გამარჯვება. ყველაფერი შეიძლება მოხდეს. იცით, ომი ძალიან უცნაური რამ არის. ბევრი ცუდი რამ ხდება. ზოგჯერ - და ბევრი კარგი რამ.
თუ ახლო აღმოსავლეთს გადავხედავთ, ვიტყოდი, რომ ირანზე ძლიერ დარტყმამდე ამ შეთანხმების მიღწევას ვერასდროს შევძლებდით, რადგან ახლო აღმოსავლეთზე შავი ღრუბელი ეკიდა.
მაგრამ როდესაც ჩვენ მათი ბირთვული პოტენციალი გავანადგურეთ, ეს იყო ყველა დროის ერთ-ერთი ყველაზე მასშტაბური სამხედრო ქმედება“, - განაცხადა ტრამპმა ავსტრალიის პრემიერ-მინისტრ ენტონი ალბანეზესთან შეხვედრისას.
კონფლიქტის მოგვარების პრობლემაზე საუბრისას, ტრამპმა კიდევ ერთხელ გაიმეორა, რომ ვლადიმირ პუტინს და ვოლოდიმირ ზელენსკის ერთმანეთი სძულთ და ეს საქმეს ცოტათი ართულებს.
„ეს რუსეთი და უკრაინაა და ვფიქრობ, ამას დავასრულებთ, მაგრამ რთული აღმოჩნდა. ეს ორი ლიდერია, რომელთაც ერთმანეთი ნამდვილად სძულთ. მათ ერთმანეთი ყველაფერზე მეტად სძულთ და ეს საქმეს ოდნავ ართულებს“, - განაცხადა დონალდ ტრამპმა.
