დონალდ ტრამპის სპეციალური წარმომადგენელი სტივ უიტკოფი აცხადებს, რომ ალასკაში გამართული შეხვედრის დროს პუტინი დათანხმდა, რომ აშშ უზრუნველყოფს უკრაინას უსაფრთხოების მყარი გარანტიებით, “- ამის შესახებ უიტკოფმა CNN-თან ისაუბრა.
„ჩვენ შევთანხმდით საიმედო უსაფრთხოების გარანტიებზე, რასაც მე რევოლუციურს დავარქმევდი...“
ჩვენ შევთანხმდით, რომ შეერთებულ შტატებს და სხვა ევროპულ ქვეყნებს შეუძლიათ ეფექტურად შესთავაზონ მე-5 მუხლის მსგავსი ფორმულირება უსაფრთხოების გარანტიების უზრუნველსაყოფად“, - თქვა უიტკოფმა.
მისი თქმით, პუტინი ასევე დათანხმდა „საკანონმდებლო შეთანხმებებს“, რომ რუსეთი არ შევიდეს სხვა ტერიტორიაზე, უკრაინაში ან ევროპის ნებისმიერ წერტილში, პოტენციური სამშვიდობო შეთანხმების ფარგლებში.
უიტკოფმა ასევე განაცხადა, რომ პუტინმა ალასკაში ტრამპთან შეხვედრის დროს უკან დაიხია უკრაინასთან „ტერიტორიების გაცვლის“ მოთხოვნაზე.
CNN-ის ცნობით, მან კონკრეტულ დეტალებზე უარი თქვა, თუმცა მიანიშნა, რომ კრემლი ამჟამად „ტერიტორიების გაცვლას“ განიხილავს ამჟამინდელი ფრონტის ხაზების გასწვრივ და არა ადმინისტრაციული საზღვრების გასწვრივ იმ ხუთი რეგიონიდან სულ მცირე ზოგიერთში, რომლებიც დიდი ხანია პუტინის სამიზნეა.
