შეერთებული შტატები რუსული ნავთობკომპანიების, „როსნეფტისა“ და „ლუკოილის“ წინააღმდეგ სანქციების დაწესებას განიხილავს, როგორც ღონისძიებათა პაკეტის ნაწილს, რომელიც მიზნად ისახავს კრემლის ლიდერის, ვლადიმირ პუტინის იძულებას, დათანხმდეს უკრაინასთან ცეცხლის შეწყვეტის შეთანხმებას.
ამის შესახებ Bloomberg იუწყება.
წყაროს ცნობით, ორი რუსული ნავთობგიგანტის წინააღმდეგ პოტენციური სანქციები მიზნად ისახავს კრემლის ენერგეტიკული შემოსავლების შემცირებას, თუ აშშ-ის პრეზიდენტ დონალდ ტრამპსა და პუტინს შორის ალასკის სამიტზე პროგრესი მიღწეული არ იქნება.
ფასებზე ზემოქმედების შესახებ შეშფოთების გათვალისწინებით, ოფიციალური პირები აცხადებენ, რომ ტრამპი იმედოვნებს, რომ ასეთი ნაბიჯი, თუ გადადგამება, ხანმოკლე იქნება.
სხვა შესაძლო ვარიანტებს შორისაა მოსკოვის ნავთობტანკერების ჩრდილოვან ფლოტზეი შემდგომი შეზღუდვები და რუსული ნავთობის მყიდველებისთვის, მათ შორის ჩინეთისთვის, დამატებითი გადასახადები. წყაროების თქმით, ნებისმიერი ზომა შესაძლოა, თანდათანობით დაწესდეს.
