რუსეთის პრეზიდენტის თანაშემწე იური უშაკოვი მედიასთან აცხადებს, რომ რუსეთის პრეზიდენტ ვლადიმირ პუტინისა და აშშ-ის პრეზიდენტის სპეციალური წარმომადგენლის სტივ უიტკოფის მოლაპარაკებები სასარგებლო და კონსტრუქციული იყო.
„თუ თემებს დავასახელებთ, პირველი, რა თქმა უნდა, ეს უკრაინის კრიზისი იყო. მეორე თემა კი აშშ-სა და რუსეთს შორის სტრატეგიული თანამშრომლობის შესაძლო განვითარების პერსპექტივები. ჩვენი მხრიდან უკრაინის საკითხთან დაკავშირებით გარკვეული სიგნალები გადავეცით. შესაბამისი სიგნალები პრეზიდენტ ტრამპისგანაც მივიღეთ“, - განაცხადა იური უშაკოვმა.
რუსეთის პრეზიდენტ ვლადიმირ პუტინსა და აშშ-ის პრეზიდენტის სპეციალურ წარმომადგენელს, სტივ უიტკოფს შორის შეხვედრა დასრულდა. მოლაპარაკებები დაახლოებით სამ სააათს გრძელდებოდა.
