აშშ-ის არიზონას შტატში, ინდიელთა ნავაჰოს ტომით დასახლებულ ტერიტორაიზე, პაციენტის ასაყვანად მიმავალი სამედიცინო სატრანსპორტო თვითმფრინავი ჩავარდა. ავიაკატატსროფის შედეგად ოთხი ადამიანი დაიღუპა. იუწყება CNN
პოლიციის ცნობით, ავიაკატასტროფა ქალაქ ჩინლისთან ახლოს მოხდა.
„მცირე ზომის თვითმფრინავი ახლომდებარე საავადმყოფოსკენ მიემართებოდა პაციენტის ასაყვანად, რა დროსაც ის ჩამოვარდა“, - ნათქვამია ნავაჰოს ტომის პოლიციის განცხადებაში.
ეროვნული სატრანსპორტო უსაფრთხოების საბჭომ (NTSB) დაადასტურა, რომ ინციდენტში Beechcraft 300-ის ტიპის თვითმფრინავი მონაწილეობდა.
NTSB-ის პრესსპიკერის, სარა ტეილორ სალიკის თქმით, გამომძიებლების ჯგუფი უკვე გაემგზავრა ავიაკატასტროფის ადგილზე.
„როგორც კი აგილზე ჩავლენ, ისინი დაიწყებენ ავიაკატასტროფის ადგილის დოკუმენტირებისა და თვითმფრინავის შემოწმების პროცესს. „შემდეგ თვითმფრინავს შემდგომი შემოწმებისთვის დაცულ ტერიტორიაზე გადაიტანენ“, - განაცხადა NTSB-ის წარმომადგენელმა.
