უკრაინული მედიის ინფორმაციით, რუსეთის მიერ დნიპროპეტროვსკის ოლქის დაბომბვის შედეგად, სულ მცირე სამი ადამიანი დაშავდა, დაინგრა და დაზიანდა სამოქალაქო ინფრასტრუქტურა.
ოლქის სამხედრო ადმინისტრაციის ხელმძღვანელის სერჰიი ლისაკის ცნობით, სინელნიკოვის რაიონში 30 წლის კაცი დაშავდა.
დაინგრა დამხმარე შენობა, დაზიანდა ადმინისტრაციული შენობა, ოთხი კერძო სახლი და ერთი ავტომობილი.
მეჟევსკაიას თემში კიდევ ორი ადამიანი დაშავდა. გარდა ამისა, დაზიანდა ორი კერძო სახლი და ერთი ავტომობილი.
გვიან საღამომდე და დილამდე რუსეთის ჯარებმა ნიკოპოლის ოლქს შეუტიეს.
გაჩნდა ხანძარი, რის შედეგად ორი დამხმარე შენობა განადგურდა, დაზიანდა ორი საცხოვრებელი კორპუსი, კერძო სახლი, დამხმარე შენობა, ორი ავტომობილი და ელექტროგადამცემი ხაზი.
