31 ივლისის ღამეს, უკრაინის დედაქალაქზე რუსეთის მიერ განხორციელებული კომბინირებული დარტყმის შედეგად ექვსი ადამიანი, მათ შორის ერთი მცირეწლოვანი ბავშვი, დაიღუპა. ამის შეახენ კიევის სამხედრო ადმინისტრაციის ხელმძღვანელი ტიმურ ტკაჩენკო Telegram-ზე იუწყება. დაშავებულია 52 ადამიანი.
„ამ დროისთვის, სამსახურები ადასტურებენ 6 დაღუპვის ფაქტს. მათგან 4 სვიატოშინის რაიონშია, 2 კი სოლომენის. დაღუპულებს შორის არის ბავშვი, ექვსი წლის ბიჭი,“ - ამბობს ტკაჩენკო.
მან დასძინა, რომ სამძებრო-სამაშველო ოპერაცია გრძელდება.
კიევზე მტერმა იერიში დრონებითა და რაკეტებით მიიტანა.
კიევის მერის ვიტალი კლიჩკოს ცნობით, სვიატოშინის რაიონში საცხოვრებელი კორპუსის სადარბაზო დაინგრა. მერის თქმით, ადგილზე სასწრაფო დახმარების სამსახურები მუშაობენ.
ხანძარი ასევე გაჩნდა რამდენიმე არასაცხოვრებელ შენობაში.
სოლომენის რაიონში რამდენიმე შენობაში ბინები დაზიანდა. მანქანებს ცეცხლი გაუჩნდა. ასევე ხანძარი და დაზიანება დაფიქსირდა რამდენიმე არასაცხოვრებელ ლოკაციაზე.
ოკუპანტებმა კიევზე იერიში, 31 ივლისს, გამთენიისას მიიტანეს.
