აშშ-ის პრეზიდენტმა დონალდ ტრამპმა განაცხადა, რომ კმაყოფილი იყო ვოლოდიმირ ზელენსკისთან გამართულისატელეფონო საუბრით.
ამის შესახებ ტრამპმა Air Force One-ს ბორტზე ჟურნალისტებს განუცხადა.
ტრამპმა განაცხადა, რომ მას და ზელენსკის „კარგი საუბარი ჰქონდათ, ჩვენ სხვადასხვა საკითხი განვიხილეთ“, - აღნიშნა მან.
„ვფიქრობ, ეს ძალიან კარგი საუბარი იყო, ძალიან სტრატეგიული საუბარი“, - დასძინა ტრამპმა.
უკრაინისთვის ამერიკული იარაღის მიწოდებასთან დაკავშირებით დასმულ შეკითხვაზე, მან განაცხადა: „ჩვენ დავეხმარეთ მათ და გავაგრძელებთ მათ დახმარებას“.
„სიტუაცია საკმაოდ რთულია. ვნახოთ, რა მოხდება შემდეგ“, - აღნიშნა ტრამპმა.
მოგვიანებით, როდესაც მას დამატებით ჰკითხეს უკრაინისთვის Patriot-ის სისტემების მიწოდების პერსპექტივების შესახებ, მან უპასუხა: „დიახ, ეს შესაძლებელია“.
შეგახსენებთ,4 ივლისს, შუადღისას, აშშ-ის პრეზიდენტ დონალდ ტრამპსა და უკრაინის პრეზიდენტ ვოლოდიმირ ზელენსკის შორის სატელეფონო საუბარი შედგა.
Axios-ის ცნობით, ტრამპმა განაცხადა, რომ სურს უკრაინას საჰაერო თავდაცვის საკითხებში დაეხმაროს და შეამოწმებს, თუ რა დახმარება შეჩერდა.
ზელენსკიმ განაცხადა, რომ ამერიკის პრეზიდენტთან ფრონტზე არსებული ვითარება, საჰაერო თავდაცვის აღჭურვილობის მიწოდება და თავდაცვის ერთობლივი წარმოება განიხილა.
