ვახტანგ გომელაურმა პროკურატურა დატოვა - შინაგან საქმეთა ექს მინისტრმა და სუს-ის ყოფილმა უფროსმა მედიასთან კომენტარი გააკეთა და თქვა, რომ პროკურატურაში "ჩორჩანას" ეპიზოდთან დაკავშირებით დაუსვეს კითხვები. 

მან ჟურნალისტებს განუცხადა, რომ ჩორჩანას საგუშაგოს დადგმის ამბავი პოსტ ფაქტუმ გაიგო.

"გიდასტურებთ, რომ შეთანხმებული არ ყოფილა და პოსტ ფაქტუმ გავიგეთ ჩორჩანას საგუშაგოს დადგმის შესახებ. რა თქმა უნდა, ჩვენი ტერიტორიაა, აქედანაც და იქიდანაც, თუმცა, სამწუხაროდ, ამ ფაქტის წინაშე ვდგავართ. ხდებოდა ხოლმე ევროკავშირის სადამკვირვებლო მისიასთან შეთანხმება, ისინი მერე უკვე ამ საერთო ფორმატში ათანხმებდნენ. ყოფილა რამდენიმე შემთხვევა, სადაც ყოფილა დათანხმება იქითა მხრიდან: გააკეთეთ, ჩვენ პრობლემა არ გვაქვს. ასე ხდებოდა. ასე რომ, მარტო უშიშროების სამსახურის ხელმძღვანელი რომ ჩააყენო საქმის კურსში ან რომელიღაც დეპარტამენტის ხელმძღვანელი, ასე არ ხდებოდა. რა თქმა უნდა, პრემიერ-მინისტრი საქმის კურსში უნდა ჩაგეყენებინა, უსაფრთხოების სამსახური, შემდეგ ჩვენ ვაყენებთ საქმის კურსში ევროკავშირის სადამკვირვებლო მისიას. ასე ხდებოდა ყველაფერი. ამ შემთხვევაში გავიგეთ პოსტ-ფაქტუმ.

ჩვენ ინფორმაცია არ გვქონდა და პოსტ-ფაქტუმ გავიგეთ, გზის დამუშავება დაიწყო, გაყვანა, მოსწორება. პრემიერ-მინისტრი საქმის კურსში იყო თუ არა, როგორც ვიცი, არ იყო. ჩვენ მოვახსენეთ ეს, როგორც მე მახსოვს.

ჩვენ რომ გავიგეთ, ვალდებული ვიყავი და პრემიერ-მინისტრი საქმის კურსში ჩავაყენე. მაინც გაკეთდა ეს. რატომ არ გამოიყვანეთ უკან, რატომ დავტოვეთ, ამაზე დღეს პასუხს ვერ გეტყვით. ამაზე მოკვლევა მიდის“,- განაცხადა ვახტანგ გომელაურმა.

მისი თქმით, რა მიზანი ამოძრავებდა ყოფილ პრემიერ-მინისტრს, ამ კითხვას თავად გიორგი გახარიამ უნდა უპასუხოს: 

რა მიზანი უნდა ჰქონოდა, თვითონ უნდა თქვას (გახარიამ). თვითონ უნდა გასცეს პასუხი, რა მიზანი ჰქონდა. მე ჩემი უფლებამოსილება რაც იყო, გავაკეთე ის. დეტალებს ვერ მოვყვები, მაგრამ გამოძიება თუ დაიწყება, მოკვლევა თუ რაც არის, ნახავენ რაც გავაკეთე. მე თუ რაიმე ბრალეულობა მიმიძღვის, მზად ვარ პასუხი ვაგო. უფლებამოსილება რაც აქვს უსაფრთხოების სამსახურის უფროსს, ყველაფერი გავაკეთე. არც მე ვიცი და არც შენ, რამდენი ხანი იქნება (გახარია ციხეში). მე არ მაქვს ამის უფლება, რომ ჩავთვალო, ვიღაცამ სისხლის სამართლის დანაშაული ჩაიდინა თუ არა. მიხედავენ სამართალდაცმველები. მე კითხვა დამისვა პროკურატურამ და გავეცი პასუხი, რაც სიმართლე იყო. 

მე წინააღმდეგი ვიყავი. სამსახურში არავინ არ იყო, არც დეპარტამენტი ანალიტიკური, რომელიც ჩაერთვებოდა ოკუპირებულ მიმართულებაზე. ვადასტურებ, რომ კომუნიკაცია მქონდა ბატონ გახარიასთან. მთელი სამსახური წინააღმდეგი ვიყავით. ბევრი პრევენცია ყოფილა და საგუშაგო არსად დაგვიდგია. ამიტომ ვიძახი, რომ მე წინააღმდეგი ვიყავი საგუშაგოს დადგმაზე. გახარიამ მითხრა, რომ საფრთხეებია დიდი და გავაკეთოთო. ყველა ჩავაყენეთ საქმის კურსში და მიხედეს. 

კაბინეტში რა ვისაუბრეთ, მაგ დეტალებს ვერ მოგიყვებით. 6 წელი გავიდა. დეტალები არ მახსოვს... ყველაზე დიდი რისკი ომი იყო. პირობითად იქ იყო მაგის 10%, თუმცა ასობით ჰექტრობის დაკარგვა არ არის პრობლემა ჩვენი ქვეყნისთვის? თქვენ თვლით, რომ ომია ერთ-ერთი მთავარი? მეც მაგას ვთვლი, თუმცა ომი თუ არ მოხდა და ნახევარი საქართველო წაიღეს, ეს საფრთხეს არ ქმნის? ასობით ჰექტრობით ტყეში დღეს გლეხები ვეღარ შედიან. ამის შემდეგ მოხდა ეს. 

(ჟურნალისტი: მას შემდეგ, რაც თქვენ გაიგეთ, რომ საგუშაგო შენდებოდა, თქვენ ჩააყენეთ პრემიერი საქმის კურსში?) როგორც მახსოვს, კი. ვალდებულიც ვიყავი, რომ ჩამეყენებინა. (ჟურნალისტი: თქვენ ამბობთ, რომ პრემიერმა მაშინ არაფერი იცოდა) საქმის კურსში არ იყო, ასე მახსოვს მე. 

დაბალი თანამდებობის პირებიც დასჭირდებათ, რომ გამოკითხონ როგორც შსს-ში, ასევე უსაფრთხოების სამსახურის ანალიტიკურის უფროსიც შეიძლება დაიბარონ." - განაცხადა ვახტანგ გომელაურმა.