“ერთიანი ნაციონალური მოძრაობის“ ლიდერის ბოკუჩავას მიერ გაკეთებული განცხადების შემდეგ, მის მეუღლეს, კოტე იოსელიანს საგამოძიებო უწყებიდან დაუკავშირდნენ და გამოკითხვაზე დაიბარეს.
ინფორმაცია ამის შესახებ “ტვ პირველის დღის ამბებს“ ენმ-ის ერთ-ერთმა ლიდერმა, გიორგი ბოტკოველმა დაუდასტურა.
ბოტკოველის თქმით, საქმის ობიექტური გამოძიების მოლოდინი არავის აქვს.
შეგახსენებთ, „ერთიანი ნაციონალური მოძრაობის“ თავმჯდომარემ, თინა ბოკუჩავამ დღეს ბრიფინგზე განაცხადა, რომ მისმა მეუღლემ, კოტე იოსელიანმა უტა ივანიშვილს ბოდიში მას შემდეგ მოუხადა, რაც გაიტაცეს და მასზე ზეწოლა განახორციელეს. 8 ივნისს კოტე იოსელიანმა სოციალურ ქსელში ვიდეო გამოაქვეყნა, სადაც „ქართული ოცნების“ დამფუძნებლის, ბიძინა ივანიშვილის შვილს, უტა ივანიშვილს ბოდიშს უხდის.
