უკრაინის პრეზიდენტმა ვოლოდიმირ ზელენსკიმ 15 მაისს ანკარაში გამართულ პრესკონფერენციაზე განაცხადა, რომ შეერთებული შტატები ომის დასრულებლად უკრაინაზე უფრო მეტი ზეწოლას ახდენდაა, ვიდრე რუსეთზე.
მისი თქმით, აშშ-ის პოზიცია ორივე მხარეს ზეწოლაა, თუმცა მიაჩნია, რომ რუსეთი მეტ წნეხს იმსახურებს.
„თავიდანვე, თქვენ ნახეთ, პრეზიდენტ ტრამპის პოზიცია იყო ორივე მხარეზე ზეწოლის მოხდენა. მიმაჩნია, რომ ჩვენზე უფრო მეტი ზეწოლა იყო, ვიდრე რუსეთზე. უკრაინამ ეტაპობრივად აჩვენა, რომ ის დგას. იბრძვის. მაგრამ ჩვენ უბრალოდ არ ვაპირებთ ჩვენი სიცოცხლისა და მიწის დაკარგვას. თუმცა ეს არ ნიშნავს, რომ ჩვენ ვართ აგრესორები“, - განაცხადა უკრაინის პრეზიდენტმა.
ზელენსკიმ აღნიშნა, რომ უკრაინამ ეს ეტაპობრივად დაადასტურა სხვადასხვა დიპლომატიურ მოედანზე და მრავალ სხვადასხვა კომპრომისზე დათანხმდა.
თუმცა, მისი თქმით, კიევს სურს, რომ პუტინზე ზეწოლა, მათ შორის სანქციების გზით, მოხდეს.
„ეს არ შეიძლება იყოს ცალმხრივი, ზეწოლა არ შეიძლება იყოს ერთი მიმართულებით და ჩვენ გვინდა, რომ რუსეთზე ზეწოლა იყოს. სულ მცირე, სანქციები“, - თქვა ზელენსკიმ.
