აშშ-ის ყოფილმა პრეზიდენტმა ჯო ბაიდენმა მისი მემკვიდრის, დონალდ ტრამპის მიდგომას რუსეთისა და უკრაინის ომისადმი, თანამედროვე დამშვიდების პოლიტიკა უწოდა და გამოთქვა შეშფოთება, რომ ამან შესაძლოა, სხვა ევროპული ქვეყნებს სიგნალი გაუგზავნოს, რომ დროა რუსეთს დანებდნენ. ამის შესახებ ბაიდენმა BBC-თან ინტერვიუში განაცხადა.
თანამდებობაზე დანიშვნის შემდეგ, პრეზიდენტმა ტრამპმა ომისადმი განსხვავებული მიდგომა აირჩია და უკრაინას მოუწოდა, რომ თუ ომის დასრულება სურდა, რუსეთისთვის ტერიტორიის ნაწილის დათმობა უდა განეხილა.
„ეს თანამედროვე დამშვიდების პოლიტიკაა“, - განაცხადა ბაიდენმა ტრამპის მიდგომაზე.
მისი აზრით, პუტინი უკრაინას „დედა რუსეთის ნაწილად“ მიიჩნევს. ის მიიჩნევს, რომ მას უკრაინაზე ისტორიული უფლებები აქვს... მას არ შეუძლია შეეგუოს იმას, რომ [...] საბჭოთა კავშირი დაიშალა. და ყველა, ვინც ფიქრობს, რომ ის შეჩერდება, უბრალოდ სულელია,“ - თქვა ბაიდენმა.
კიევში, ისევე როგორც მისი მოკავშირეების ნაწილი, ასევე და დიდი ბრიტანეთის ზოგიერთი წარმომადგენელი ამტკიცებენ, რომ ბაიდენმა უკრაინას საკმარისი მხარდაჭერა აღმოუჩინა შეჭრის წინააღმდეგ საბრძოლველად, მაგრამ არა საკმარისი რუსეთის დასამარცხებლად, შესაძლოა იმის შიშით, რომ პუტინი კუთხეში მოქცევის შემთხვევაში ბირთვული იარაღის გამოყენებას დააპირებდა.
„ჩვენ მათ [უკრაინას] ყველაფერი მივაწოდეთ, რაც მათ დამოუკიდებლობის უზრუნველსაყოფად სჭირდებათ.
და ჩვენ მზად ვიყავით უფრო აგრესიულად გვეპასუხა, თუ პუტინი მართლაც გადადგამდა ახალ ნაბიჯს“, - - განაცხადა ბაიდენმა.
მისი თქმით, ის ცდილობდა თავიდან აეცილებინა „მესამე მსოფლიო ომის“ შესაძლებლობა ბირთვული ძალების მონაწილეობით. „და ჩვენ ეს ავიცილეთ თავიდან“, - თქვა ბაიდენმა.
„რას იზამს პუტინი, თუ სიტუაცია მისთვის ნამდვილად გართულდება? ის ტაქტიკური ბირთვული იარაღის გამოყენებით იმუქრება. ეს არ არის თამაში ან „რულეტკა“, - აღნიშნა აშშ-ის ყოფილმა პრეზიდენტმა.
