კიევზე რუსეთის ძალების იერიშის შედეგად დაიღუპა 2 და დაშავდა 8 ადამიანი
7 მაისს, გამთენიისას, უკრაინის სახელმწიფო საგანგებო სიტუაციების სამსახურმა განაცხადა, რომ კიევზე მტრის თავდასხმის შედეგად ორი ადამიანი დაიღუპა და რვა დაშავდა, მათ შორის ოთხი ბავშვი.
კიევის მერის ვიტალი კლიჩკოს ცნობით, მაშველები სამაშველო სამუშაოები სვიატოშინის, სოლომენის, შევჩენკოსადა დნიპროს რაიონებში ჩაატარეს.
კლიჩკოს ინფორმაციით, სვიატოშინის რაიონში, დარტყმის შედეგად დრონის ნამსხვრევები საცხოვრებელ შენობაში ჩაცვივდა, ხანძარი გაჩნდა მე-6, მე-7, მე-8 და მე-9 სართულებზე.
დნიპროს რაიონში დრონი მრავალსართულიან საცხოვრებელ შენობას დაეცა, რის შედეგადაც 29-ე და 30-ე სართულებზე ჭერი ნაწილობრივ ჩამოინგრა.
„კიდევ ერთი ქალი საავადმყოფოში მოათავსეს. მანამდე ჰოსპიტალიზებული იყო სამი ბავშვი. ამრიგად, ოთხი დაშავებული ამ დროისთვის საავადმყოფოშია გადაყვანილი. ოთხ ადამიანს სამედიცინო დახმარება ადგილზე გაეწია. მტრის თავდასხმის შედეგად დედაქალაქის ორი მცხოვრები დაიღუპა“, - განაცხადა კიევის მერმა.
