სუმში 7 და 8 მაისი გლოვის დღეებად გამოცხადდა რუსეთის ბალისტიკური რაკეტით თავდასხმის შედეგად სამი ადამიანის დაღუპვის გამო.
პროკურატურის ცნობით, მტრის თავდასხმის შედეგად 20 წლის გოგონა ადგილზე გარდაიცვალა.
„41 წლის კაცი და 6 წლის ბიჭი საავადმყოფოში დაიღუპნენ. კიდევ დაშავდა 7 ადამიანი, მათ შორის 4 ბავშვი - 3 გოგონა და 1 ბიჭი“, - ნათქვამია ინფორმაციაში.
დაშავებულები საავადმყოფოში გადაიყვანეს. ორი მათგანის მდგომარეობა მძიმეა.
