პოლონეთის პრეზიდენტმა ანჯეი დუდამ აშშ-ის პრეზიდენტ დონალდ ტრამპს მოუწოდა, გააძლიეროს ეკონომიკური ზეწოლა რუსეთზე, რათა აიძულოს იგი, დაასრულოს ომი უკრაინის წინააღმდეგ. იუწყება Politico
დუდა ფიქრობს, რომ ტრამპი ერთადერთია, ვისაც შეუძლია პუტინი აიძულოს, მოლაპარაკებების მაგიდასთან დაჯდეს.
დუდამ განაცხადა, რომ აშშ-ს აქვს ინსტრუმენტები, რომლებსაც შეუძლიათ ეფექტურად იმოქმედონ კრემლზე.
„ამერიკას შეუძლია გამოიყენოს სხვადასხვა ეკონომიკური ინსტრუმენტი, რათა რუსეთი აიძულოს, დაიცვას გარკვეული ქმედებები. ამიტომ, თუ ვინმეს შეუძლია ვლადიმირ პუტინს აიძულოს მშვიდობას დათანხმდეს, ეს არის ამერიკა, შეერთებული შტატების პრეზიდენტი,“ - თქვა დუდამ.
დუდამ აღნიშნა, რომ ტრამპმა პუტინთან ბოლო მოლაპარაკებების შემდეგ „რეალური სურათი დაინახა“ და ფლობს „საჭირო ინსტრუმენტებს პუტინის ძირითადი ინტერესების დასაბლოკად“.
„შეერთებული შტატების პრეზიდენტს აქვს საშუალებები, რათა აიძულოს რუსეთი დაემორჩილოს ვალდებულებებს. ზოგიერთი ეს ზომა შეიძლება იყოს ძალიან რადიკალური, ძალიან მკაცრი, განსაკუთრებით ეკონომიკური ხასიათის. მაგრამ მე მჯერა, რომ პრეზიდენტი დონალდ ტრამპი მათ განხორციელებას შეძლებს,“ - აღნიშნა დუდამ.
