სლოვაკეთის სასამართლომ პრემიერ-მინისტრ რობერტ ფიცოზე თავდამსხმელი იურაი ცინტულა პატიმრობაში დატოვა.
71 წლის ცინტულას სლოვაკეთის პრემიერ-მინისტრის მკვლელობის მცდელობისთვის 25 წლით ან უვადო თავისუფლების აღკვეთა ემუქრება.
დღეს, სლოვაკეთმა ოფიციალურმა პირებმა განაცხადეს, რომ რობერტ ფიცოს მდგომარეობა სტაბილურად მძიმეა და მისი ტრანსპორტირება ჯერ ვერ ხერხდება.
პარასკევს, ფიცოს, რომელსაც ცეცხლსასროლი იარაღიდან რამდენიმე ჭრილობა აქვს მიყენებული, მეორე ოპერაცია ჩაუტარდა.
სლოვაკეთის პრემიერზე თავდასხმა ბრატისლავასთან ქალაქ ჰანდლოვაში, ადგილობრივი კულტურის სახლის წინ მოხდა, სადაც ფიცო მხარდამჭერებთან შესახვედრად მივიდა.