აშშ-ის ცენტრალურმა სარდლობამ განაცხადა, რომ ღაზის სექტორში აღჭურვილობა და ტექნიკა გაგზავნა დროებითი პორტის ასაშენებლად, რომლის მეშვეობითაც ჰუმანიტარული დახმარების მიწოდება საზღვაო გზით იქნება შესაძლებელი.
9 მარტს შეერთებული შტატების სამხედრო-საზღვო ძალების ხომალდმა General Frank S. Besson-მა ლენგლი-იუსტისის ბაზა დატოვა და ხმელთაშუა ზღვის აღმოსავლეთ ნაწილში გაემართა. გემს გადაჰყავს ინჟინრები და გადააქვს აღჭურვილობის პირველი პარტია პორტის შესაქმნელად.
პენტაგონის ინფორმაციით, პორტის მშენებლობას დაახლოებით ორი თვე დასჭირდება და მასში დაახლოებით ათასი სამხედრო მოსამსახურე მიიღებს მონაწილეობას. ამერიკელი სამხედროების უშუალოდ სექტორში ყოფნა მოსალოდნელი არ არის.
პორტი მიიღებს დიდ გემებს, რომლებიც დატვირთული იქნება საკვებით, მედიკამენტებით და ყველა საჭირო ნივთით პალესტინელებისთვის.
